وەزارەتی ناوخۆی حكومەتی عێراق هەلی دامەزراندن بەشێوەی گرێبەست بۆ هێزەكانی ئاسایش و پۆلیس ڕادەگەیەنێت.
وەزارەتی ناوخۆی عێراق فۆڕمی دامەزراندنی بەشێوەی گرێبەست بۆ كەرتی ئەمنی ڕاگەیاند و جەختیشی كردەوە، پێویستە ئەو كەسەی فۆڕم پڕدەكاتەوە لە کاتژمێر 8ی بەیانی لە کاتی دیاریکراودا ئامادەبێت، کە بە شێوەی نامەی مۆبایل لە كات و شوێنی چاوپێكەوتنەكە ئاگاداردەكرێتەوە.
ئاماژەی بەوەشكردووە، پێویستە كەستی داواكار کارتی نیشتیمانی تایبەت بە خۆی و دایک و باوکی (ئۆرجیناڵ + 4 نوسخەی ڕەنگاوڕەنگ) پێ بێت و بەڵگەنامەیەکیش، کە ئاراستەی وەزارەتی ناوخۆ كرابێت لەگەڵ بڕوانامەكەی، كە ئەمساڵ دەرچووە (ئۆرجیناڵ + 4 کۆپی ڕەنگاوڕەنگ) و کارتی نیشتەجێبوون (ئەسڵی + 4 نوسخەی ڕەنگاوڕەنگ) لەگەڵ ١٥ وێنەی ڕەنگی مەدەنی
ڕوونیشی كردۆتەوە، خێزانی شەهیدان، تەنها زیندانیانی پلە یەک، منداڵی ئەفسەرە بەردەوامەکان، خانەنشینەکان و کەمینەکان دەتوانن بەڵگە بۆ پشتگیریکردن لەم بابەتە بهێنن.
