لە سەر ڕێگای کەلار -کفری نزیک ناحیەی ڕزگاری لە پێکدادانی دوو ئۆتۆمبێلدا، دوو کەس بریندار بوون.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، دوانیوەڕۆی ئەمڕۆ هەینی، لە سەر ڕێگای کەلار – کفری و لە نزیک ناحیەی ڕزگاری ڕوداوێکی پێکدادان لەنێوان دوو ئۆتۆمبیل لە جۆرکانی (نیسان پیکاب و بی ئێم تایبەت) ڕوویدا.
ڕاشیگەیاندووە، ئۆتۆمبیلەکان بە ئاراستە کەلار ڕۆیشتوون و پێکیاندا داوە و لە ئەنجامی ڕوداوەکە دوو کەس بریندار بوون.
ئاماژەی بەوەشكردووە، تیمەکانی هاتووچۆی ناحیەی ڕزگاری ڕۆیشتونەتە سەر ڕووداوەکە و لێکۆڵینەوەیان دەستپێکردوە.
