دوای ئەوەی ئەمڕۆ هەینی لە ناوبازاڕی سلێمانی، هاووڵاتییەك بە دەستڕێژی كوللە كوژرا، پۆلیسی سلێمانی ڕایدەگەیەنێت، كە كەمێ: لەمەوبەر تۆمەتبار دەستگیركراوە و دانی بە تاوانەكەیدا ناوە.
پۆلیسی سلێمانی لە ڕاگەیەنراوێكدا ئاماژەی بەوەكردووە، ئەو کەسەیان دەستگیر کردووە، کە بەیانی ئەمڕۆ هەینی لەبەردەم سینەماکانی ناوبازاڕی سلێمانی کەسێکی کوشتووە.
ڕاشیگەیاندووە، “کەسەکە هەر لەناو سلێمانیدا مابووەوە و خۆی حەشاردابوو”.
بەیانی ئەمڕۆ هەینی، کەسێکی تەمەن 62 ساڵ لەبەردەم سینەماکانی ناوبازاڕی سلێمانی بە دەستڕێژی گوللـە کوژرا، کە كاری فرۆشتنی خواردەمەنی بووە.
