بڕیارە سبەینێ بەیانی تەرمی سەرمایەدار و وەبەرهێن و سەرۆکی ئەنجومەنی بەرێوەبردنی گرووپی کۆمپانیاکانی ساوس کوردستان کاوە حاجی فایەق، بگاتەوە فڕۆکەخانەی نێودەوڵەتی سلێمانی و لەوێوە بەرەو مزگەوتی ئەحمەدی حاجی عەلی دەبرێت.
لەم بارەیەوە یاسین مەحمود ڕەشید سەرۆكی یەكێتی وەبەرهێنەرانی كوردستان – سلێمانی، بۆ خەڵک وتی: سبەینێ 15/9 تەرمی هاوکار و هاوڕێ و سەرمایەداری دیاری هەرێمی کوردستان، کاوەی حاجی فایەق، دەگاتەوە فڕۆکەخانەی نێودەوڵەتی سلێمانی و دواتر بەرە و مزگەوتی ئەحمەدی حاجی عەلی دەبرێت و بڕیارە کاتژمێر 9 بەرەو گۆڕستانی بەکرەجۆ بەڕێدەکرێت”.
کاوەی حاجی فایەق، یەکێک لە سەرمایەدار و وەبەرهێنە دیارەکانی هەرێمی کوردستان و شاری سلیمانی، دوای زیاتر لە ساڵێک لە وەرگرتنی چارەسەری پزیشکی لە 9/9/2023 بەنەخۆشی لە دەرەوەی وڵات کۆچی دوایی کرد.
