لە ژێر چاودێری حکومەتی ھەرێمی کوردستاندا، ھێزەکانی پاک لە ناحیەی پردێی سەر بە قەزای دووبز لە پارێزگای کەرکووک سەنگەریان گواستەوە.
لە چوارچێوەی جێبەجێکردنی ڕێککەوتننامەی نێوان ئێران و عێراق بۆ چەکداماڵین لە پارتە کوردییەکانی ڕۆژهەڵاتی کوردستان ، ھێزەکانی پارتی ئازادی کوردستان (پاک) لە پردێ بەرەو شوێنێکی نادیار سەنگەریان گواستەوە .
سەرچاوەیەکی ئاگادار لە پاک ڕاگەیاند، ئەو بڕیارەیان لەسەر داوای حکومەتی ھەرێم بووە و پێیوە پابەند بوون.
ئەو سەرچاوەیە کە نەیویست ناوی ئاشکرا بکرێت ڕاشیگەیاند، ئەو هێزە چەکە قورسەکانیان ڕادەستی وەزارەتی پێشمەرگە کردووە.
بە پێی ڕێککەوتنێکی ئەمنی لە نێوان عێراق و ئێران تا ڕێکەوتی ١٩ی ئەیلوول پێویستە پارتە کوردەکانی ڕۆژهەڵاتی کوردستان لە ھەرێم چەک بکرێن و کەمپێکی مەدەنییان بۆیان دابین بکرێت و نیشتەجێ بکرێن تێیدا.
