پۆلیسی پارێزگای سلێمانی کەسێکی بە تۆمەتی ساختەکردنی بەڵگەنامە دەستگیرکرد کە له‌لایه‌ن دادگای لێكۆڵینه‌وه‌ی پارێزگای بابله‌وه داواكراو بوو.
ئەمڕۆ پێنجشەممە پۆلیسی پارێزگای سلێمانی ڕایگەیاند، دوای ئەوەی بڕیاری ده‌ستگیركردنی تۆمه‌تبارێك له‌لایه‌ن دادگای لێكۆڵینه‌وه‌ی بابله‌وه گەیشتە بەڕێوەبەرایەتی پۆلیسی پارێزگای سلێمانی كه به‌پێی مادده‌ی 295 داواكراو بوو، ھێزەکانی پۆلیس لێكۆڵینەوە و بەدواداچوونەكانیان دەستپێكرد.
ڕوونیشیکردەوە کە سەرەنجام توانرا لەلایەن مەفرەزەكانی نوسینگه‌ی نه‌هێشتنی ساخته‌كارییه‌وه تۆمه‌تبار بدۆزرێتەوە و دەستگیربكرێت.
پۆلیسی سلێمانی ڕاشیگەیاند، ئێستا تۆمەتبار (م، ق، د) بەبڕیاری دادوەر ڕاگیراوەو دوای تەواوكردنی ڕێكارە یاساییەكان ڕه‌وانه‌ی شوێنی داواكراو دەكرێتەوە.
