دوای فەرمانگەی دادنووس، کارمەندانی فەرمانگەیەکی دیکەی کۆیە سەر بە پارێزگای هەولێر بایکۆتکردنی دەوامیان ڕاگەیاند.
پاشنیوەڕۆی ئەمڕۆ چوارشەممە، فەرمانبەرانی دیوانی پەروەردە و یەکەی سەرپەرشتیکردنی کۆیە بایکۆتکردنی دەوامیان ڕاگەیاند.
هەر ئەمڕۆ فەرمانبەرانی دادنووسی کۆیە بە هۆی دابەشنەکردنی مووچەوە دەوامیان بایکۆت کرد و دەرگای ژمارەیەك لە خوێندنگەکانیش بە داخراوی مانەوە.
ئەمەش لە چوارچێوەی ئەو شەپۆلی بایکۆتەدا دێت کە لە سلێمانی، هەڵەبجە، گەرمیان و ڕاپەڕین دەستیپێکردووە.
بە هۆی چارەسەرنەکردنی کێشە داراییەکانی نێوان هەولێر و بەغداوە، تا ئێستا فەرمانبەران مووچەی مانگی حەوت و هەشتیان وەرنەگرتووە.
