ئەمڕۆ سێشەممە، ئەلێکساندەر شاڵنبێرگ وەزیری دەرەوەی نەمسا کردنەوەی باڵیۆزخانەی وڵاتەکەی لە بەغدا ڕاگەیاند.
شاڵنبێرگ لە میانی کۆنگرەیەکی ڕۆژنامەوانی هاوبەشدا لەگەڵ فوئاد حسێن، وەزیری دەرەوە لە بەغدا ڕایگەیاند: ” سەردانەکەی بۆ بەغدا لەسەر بانگهێشتی فوئاد حسێن وەزیری دەرەوە بوو بۆ کردنەوەی باڵیۆزخانەی نەمسا لە بەغدا، هاوکات لەگەڵ تاوتوێکردنی ژمارەیەک فایلی سیاسی و ئابووری و ئەمنی.”
دووپاتیشی کردەوە: “رێککەوتنێک لە بواری ئاسایشی ناوخۆ لە عێراق واژۆ دەکات، کە دەبێت ئەم ڕێککەوتنە ڕۆڵی شیاوی خۆی بگێڕێت”.
ئاماژەی بەوەشکرد: “عێراق ڕۆڵێکی گرنگی هەیە لە سەقامگیری ناوچەکە و سەردانەکەی بۆ عێراق بۆ قووڵکردنەوەی پەیوەندییەکانی نێوان هەردوو وڵاتە”.
