ئەندامێكی پڕۆڤیشناڵی كۆلیژی ئەمریكی بۆ زانستی خۆراك ڕایدەگەیەنێت، زۆری كێش و قەڵەوی هۆكاری گەلێك نەخۆشی و كێشەی تەندروستی درێژخایەن و ترسناكە، بەڵام بوونی هەندێك نیشانە ئاماژەن بۆ ئەوەی، كە پێویستە بەخێرایی كێشت دابەزێنێت و چیتر پشتگوێ نەخرێت.
د. كامەران ڕەسوڵ ژاژڵەیی، پسپۆڕی زانستی خوراك و نەشتەرگەری گشتی دەڵێت،”هەمیشە لە یادمان نەچێت دابەزینی كێش زۆر گرنگە، بەڵام قەڵەو نەبوونەوە گرنگترە”.
ئەو نیشانانەی ئاماژەن بۆ چارەسەركردنی قەڵەوی:
۱ . ماندوو بوون و تەنگەنەفەسی دوای كەمترین جووڵە و چالاكی ڕۆژانە ؛ وەك ڕویشتن بە پێ یان سەركەوتن بە قادرمەدا .
۲ . تەسك بوونەوەی جل و بەرگ ؛ ئەگەر جلەكانت چیتر بە بەرت نەبوو بە تایبەت لە ناوچەی كەمەر مانای ئەوەیە چەند كیلۆیەك چەوری لە ناوچەی ورگ كۆبۆتەوە.
۳. تووشبوون بە هەندێك نەخۆشی وەك : نەخۆشی شەكرە ، بەرزی فشاری خوێن ، نەخۆشیەكان دڵ ، بەرزی كولیستڕۆڵ و چەوریەكان ، لاوازی سێكسی.
٤ . پرخەپرخ كردن لە كاتی نوستن .
٥ . ئازاری ئەژنۆ و پێ و پشت و ئاوسانی قاچ و پێ .
٦ . هەست كردن بە برسیەتی بەردەوام و تێر نەبوون .
۷ . گۆشەگیری و خەمۆكی و حەزكردن بە تەنیایی و نەچوونە دەرەوە .
۸ . تێك چوونی خەو ؛ كەم خەویی یان خەوڵوایی بەردەوام و زۆر نوستن .
