دوانیوەڕۆی ئەمڕۆ یەك شەممە، ئاگر لە باڵەخانەیەكی گەورە لە سەر شەقامی 40 مەتری هەولێر دەكەوێتەوە و بەهۆیەوە مەترسی لەسەر گیانی ژمارەیەك هاووڵاتی دروست دەبێت و تیمەكانی بەرگری شارستانی لە هەوڵی كۆنتڕۆڵ كردنی ئاگرەكەدان.
سه‌ركه‌وت كاڕه‌ش، وته‌بێژی به‌رگری شارستانی هه‌ولێر ڕایگەیاند،، ئاگرێك له باڵه‌خانه‌یه‌كی بازرگانی له‌سه‌ر شه‌قامی 40 مه‌تری شاری هه‌ولێر له نزیك كونسوڵخانه له هه‌ولێر كەوتۆتەوە و تیمه‌كانمان گه‌یشتونه‌ته شوێنی ڕووداوه‌كه و له‌هه‌وڵدان بۆ كۆنتڕۆڵكردنی.
ڕاشیگەیاند، تاوه‌كو ئێستا هۆكاری كەوتنەوەی ئاگرەكە نەزانراوە و به‌هۆی گه‌وره‌یی ئاگره‌كه‌وه زیانه‌كان نه‌زانراون.
