وەزارەتی خوێندنی بای حكومەتی هەرێم بڕیاریدا ئەو خێزانانەی ٢ خوێندكاریان بەشێوەی پارالێل لە زانكۆ حكومیەكان دەخوێندن داشكاندنی كرێی خوێندنیان 50% لە كرێی خوێندن بۆ دەكرێت.
بەپێی فەرمانێكی وەزارەتی خوێندنی باڵا و توێژنەوەی زانستی كە لە 7ی 9ی 2023، دەرچووە ، “ئەو خێزانانەی دوو خوێندكاریان لە سیستەمی خوێندنی پارالێل دەخوێنن، بە لەبەرچاوگرتنی دۆخی دارایی، لێخۆشبوون بۆ هەر یەكێكیان بە ڕێژەی 50% لە كرێی خوێندنیان دەكرێت.”
بەپێی بڕیارەكە، ئەگەر لە خێزانێكدا دوو كەس یان زیاتر لە زانكۆ حكومیەكان بۆ دبلۆم و بەكالۆریۆس و دبلۆمی باڵا و ماستەر و دكتۆرا وەرگیرابون بەشێوەی پارالێل ئەوە داشكاندنی كرێی خوێندنی ھەر ساڵێكیان لەسەدا ٥٠ دەبێت.
داشكاندنی گشتی بەڕێژەی 45% لەكرێی خوێندن بۆ سەرجەم پێشكەشكارانی پارالێل كراوە، بەڵام ئەوانەی دوو كەس یان زیاتر لە یەك خێزان بەشێوەی پارالێل وەرگیراون 5%ی دەشكاندنی تریان بۆ دەكرێت و دەبێتە 50%ی لێخۆشبوون.
