ئەمڕۆ شەممە، موقتەدا سەدر، ڕێبەری ڕەوتی سەدر، سەرەخۆشی لە قوربانیانی بوومەلەرزەکەی مەغریب کرد، کە بە گوڕی ٧.٢ پلە بەپێی پێوەری ڕێختەر شەش شاری هەژاند و نزیکەی هەزا کەس گیانیان لەدەستدا.
سەدر لە تویتێکدا وتی: “بۆ گەلەکەمان لە شانشینی مەغریب… داوای سەلامەتی و سەبر و دڵنەوایی و ڕەحمەتیتان لە خودا بۆ دەکەین، بۆ سەرجەم قوربانیانی بوومەلەرزەکە لە هەموو شارەکانی مەغریب.”
ئاماژەی بەوەشکردووە، لەڕێگەی داوای لێبوردن، نوێژ و ڕۆژوو و دوورکەوتنەوە لە گوناه و کارە خراپەکان، داوا لە خودا دەکەین لە ناخۆشی و کارەسات بە دووربن.
موقتەدا سەدر داوای کرد “زۆر یادی خودا بکەن… بۆ ئەوەی ڕەحمەتتان پێ بگات.”
