وەزارەتی بەرگری تورکیا بڵاویکردەوە لە ئاکامی هێرشە بەرفراوانەکەی شەوی پێنجشەممە لەسەر هەینی، 22 شوێنیان لە سنووری پارێزگای سلێمانی و ئیدارەی ڕاپەڕین بۆردومان کردووە.
ئەمڕۆ هەینی وەزارەتی بەرگریی تورکیا ڕایگەیاند، کاتژمێر 00:30 هێرشی ئاسمانیی کرایە سەر چەندین پێگە لە زنجیرە چیای قەندیل و ئاسۆس کە دەکەونە سنووری پارێزگای سلێمانی و ئیدارەی ڕاپەڕینەوە.
بانگەشەی ئەوەشی کرد کە لە ئەنجامی ئۆپەراسیۆنەکە 16 ئەشکەوت، چوار حەشارگە و دوو کۆگای پێداویستیی پارتی کرێکارانی کوردستان لەناوبراوە و ژمارەیەکی زۆریشیان لەچالاکی خستووە.
