بەڕێوەبەرایەتی ئاوی سلێمانی بەمەبەستی خۆپاراستن لە تووشبوون بە نەخۆشی كۆلێرا چەند رێنماییەک بڵاودەکاتەوە و دەشڵێت:” لەكاتی گەشكردن بۆ ناوچە گەشتیاریەكان ئاوی چەم و ڕوبارەكان بەكارنەهێنرێت بۆ خواردنەوە.
بەڕێوەبەرایەتییەکە لە راگەیەندراوێکدا داوا لە هاووڵاتییان دەکات کە بۆ پاراستنی خۆیان و خێزان و منداڵەكانیان ئەم رێنماییە جێبەجێ بکەن:-
۱ . ئاوی بەرهەم هاتووی پڕۆژەکانی بەڕێوەبەرایەتی ئاوی سلێمانی بەردەوام کاری پاکردنەوەو پاشان مادەی کلۆری تێدەکرێت لەدوایی پشکنینی تاقیگەکانی بەڕێوبەرایەیمان و خۆپاراستنی سلێمانی دابەش دەکرێت بەسەر هاووڵاتیانە
۲ . ئاوی تانکەرێک بەکارمەهێنە بۆ خواردنەوە ئەگەر لۆگۆی بەڕێوبەرایەتی ئاوی سلێمانی پێوە نەبێت یان لە شەمعەی تایبەت بەبەڕێوبەرایەتیمان ئاوی وەرنەگرتبێت .
۳. بەهیچ شێوەیەک ئاوی بیر بەکارنەهێنرێت بۆ خواردنەوە ئەگەر پشکنینی بۆ نەکرابێت لە تاقیگەکان .
٤ . لەکاتی گەشکردن بۆ ناوچە گەشتیاریەکان ئاوی چەم و ڕووبارەکان بەکارنەهێنرێت بۆ خواردنەوە .
٥. ئاوی دەبە و بەڕادێک بەکارنەهێنن بۆ خواردنەوە کە لەبەر تیشکی خۆر دانراوە .
