نرخی نەوت و زێڕ لە بازاڕەکانی جیهاندا بە شێوەیەکی بەرچاو بەرز بووەوە.
ئەمڕۆ چوارشەممە نرخی یەك بەرمیل نەوتی خاوی برێنت بە 85 دۆلار و 80 سەنتەوە مامەڵەی پێوە دەکرێت لە کاتێکدا نرخی یەك بەرمیل نەوتی خاوی ئەمریکیش بۆ 81 دۆلار و 56 سەنت بەرزبووەتەوە.
هۆکارێکی سەرەکیی بەرزبوونەوەی نرخی نەوت بۆ دابەزینی ئاستی نەوتی ئەمبارەکانی ئەمریکا دەگەڕێتەوە کە ئەوەش وا دەکات خواست لەسەری زیاتر بکات.
هاوکات نرخی زێڕیش هەڵکشانی گەورەی تۆمار کرد و نرخی یەك ئۆنسە لە هەزار و 915 دۆلارەوە گەیشتە هەزار و 937 دۆلار.
