وەزارەتی خوێندنی باڵا و توێژینەوەی زانستی هەرێمی کوردستان، کردنەوەی خولێکی دیکەی بۆ پێشکەشکردنی خوێندنی باڵا بۆ قۆناغەکانی خوێندنی دبلۆمی باڵا، ماستەر و دکتۆرا ڕاگەیاند و نووسراویشی ئاراستەی سەرجەم زانکۆکانی هەرێمی کوردستان کردووە.
لە نووسراوێکدا کە واژۆی ئارام محەمەد قادر، وەزیری خوێندنی باڵا و توێژینەوەی زانستی لەسەرە ئاراستەی سەرجەم زانکۆکانی هەرێمی کوردستانی کردووە، بەمەبەستی کردنەوە خولێکی دیکەی خوێندنی دبلۆمی باڵا، ماستەر و دکتۆرا لە زانکۆ حکومییەکانی هەرێمی کوردستان.
وەزارەتی خوێندنی باڵا و توێژینەوەی زانستی نووسراوی ژمارە ١٦٢٨١ لەبەرواری ٢٧/٨/٢٠١٣ ئاراستەی زانکۆ حکومییەکانی هەرێمی کوردستان کردووە.
بەپێی نووسراوەکە، پێویستە ئەنجومەنی زانکۆ حکومییەکان تا بەرواری ٠١/١٠/٢٠٢٣ لەو کۆلێژ و بەشانەی مەرج و ڕێنماییەکانیان تێدایە و توانایان ھەیە پلانەکە پەسەند بکەن لەھەر پسپۆریەک ژمارەی کردنەوەی کورسیەکان دیاری بکەن و ئاراستەی وەزارەتی خوێندنی باڵا و توێژینەوەی زانستی بکەن.
