پلەی گەرما بە شێوەیەکی بەرچاو دادەبەزێت و ئەگەری نمە باران هەیە

کەشناسی پێشبینی دەکات لە ماوەی دوو ڕۆژدا گەرما نزیکەی 8 پلە لە هەرێمی کوردستان دابەزێت.

ئەمڕۆ دووشەممە، بەشی پێشبینی لە وەزارەتی گواستنەوە و گەیاندنی هەرێمی کوردستان بڵاویکردەوە، ئاسمانی کوردستان بە گشتی ساماڵ دەبێت و پلەی گەرما 1-3 پلە دادەبەزێت.

سەبارەت بە سبەینێش ئەوەی خستەڕوو کە پێشبینی دەکرێت ئاسمان ساماڵ بۆ پەڵە هەور بێت و ئەگەری نمەبارانێکی کەمیش لە ناوچە شاخاوییە سنووریەکانی باکووری هەرێم هەیە.

ڕاشیگەیاند خێرایى با لە نێوان 15-25 کیلۆمەتردا دەبێت لە کاتژمێرێکدا و پلەی گەرماش بە بەراورد لەگەڵ تۆمارەکانی ئەمڕۆدا 4-5 پلە دادەبەزێت.

بەرزترین پلەکانی گەرمای پێشبینیکراو بە پلەی سیلیزی :

هەولێر : 37 پلەى سیلیزى

سلێمانی : 35 پلەى سیلیزى

دهۆک : 34 پلەى سیلیزى

کەرکوک : 39 پلەى سیلیزى

هەڵەبجە : 37 پلەى سیلیزى

زاخۆ : 34 پلەى سیلیزى

حاجی ئۆمەران : 25 پلەى سیلیزى

سۆران : 35 پلەى سیلیزى

گەرمیان : 40 پلەى سیلیزى