پارێزگاری بانکی ناوەندی لوبنان ڕایدەگەیەنێت، مووچەی کارمەندانی کەرتی گشتی لە مانگی ئەیلولی ئەمساڵدا بە دۆلار دابەش دەکەن و یەک دۆلاریش بەرامبەر بە نزیکەی ٨٦ هەزار لیرەیە.
ماوەی چوار ساڵە وڵاتی لوبنان بە قەیرانێکی داراییدا تێدەپەڕێت و بەهای دراوەکەی بەرامبەر بە دۆلاری دابەزیوە و بۆتە هۆی داڕمانی کەرتی دارایی و بانکی، کە بە یەکێک لە پایە و پایە گرنگەکانی ئابووری وڵات دادەنرا.
وەسیم مەنسوری، پارێزگاری بانکی ناوەندی لوبنان لە کۆنفراسێکی ڕۆژنامەنووسیدا ڕایگەیاند، پاراستنی سەقامگیری دراو لە وڵاتەکەدا لە کارە گرنگەکانە و بۆ ئەو مەبەستەش پێویستیان بە هاوکاری حکومەت و پەرلەمانە.
ئاماژەی بەوەشکرد، لە ئێستادا باری ئابووری وڵاتەکە لە دۆخێکدایە، کە ناتوانێت قەرزی دەرەکی وەربگرن و بانکەکە بەرپرس نییە لە ئەگەری وەرگرتنی هەر قەرزێکی دەرەکی.
باسی لەوەشکرد، بە پێدانی قەرز بە حکومەت بە دۆلار یاخود لیرە یان چاپکردنی دراوی ناوخۆیی وڵاتەکە کەمی بودجە چارەسەر ناکرێت.
