جەنەراڵ مارک میلی سەرۆکی دەستەی ئەرکانی هاوبەشی سوپای ئەمریکا لەچاوپێکەوتنێکی ڕۆژنامەوانیدا ڕایگەیاند، ئەمریکا خۆرهەڵاتی ناوەڕاست بەجێناهێڵێت، چونکە بەیەخێکی گرنگی هەیە بۆ وڵاتەکەی.
ئاماژەی بەوەکرد، ئەمریکا دۆست و هاوبەشی نزیکی لەناوچەی خۆرهەڵاتی ناوەڕاست هەیە و ئەم ناوچەیە لەچەندین بواردا ناوچەیەکی گرنگە بۆ حکومەتی ئەمریکا. وتیشی، پێموانییە ئەمریکا ناوچەکە بەجێ بهێڵێت و مانەوەی تێیدا هەتا چەند دەەیەیکی دیکە بەردەوام دەبیت.
باسی لەوەکرد، قەبارەی هێزەکانی ئەمریکا لەڕووی جۆری چەک و ژمارەی سەربازەکانەوە بەندە بەئاست و قەبارەی هەڕەشەکانەوە لەناوچەکانی خۆر هەڵاتی ناوەڕاستدا.
ئەم لێدوانانەی مارک میلی لەکاتێکدایە، حکومەتی ئەمریکا چەندینجار زەنگی ئاگادارکردنەوەی کشانەوەی سوپاکەی بۆ بەرپرسانی چەند ناوچەیەکی خۆرهەڵاتی ناوەڕاست لێداوە و لەدوایین کاردانەوەشدا سوپای ئەو وڵاتە لە ئەفغانستان کشایەوە و بەڕێوەبردنی وڵات و دەسەڵاتی بە بزوتنەوەی تاڵیبان سپارد.
