وەزیری دەرەوەی تورکیا لە هەولێرە و لەگەڵ بەرپرسانی هەرێمی کوردستان کۆدەبێتەوە.
بەرەبەیانی ئەمڕۆ پێنجشەممە، هاکان فیدان وەزیری دەرەوەی تورکیا گەیشتە هەولێر و لە فڕۆکەخانە لەلایەن ڕێبەر ئەحمەد وەزیری ناوخۆ، سەفین دزەیی بەرپرسی پەیوەندییەکانی دەرەوە و ژمارەیەڵ بەرپرسی دیکەوە پێشوازی لێکرا.
بڕیارە ئەمڕۆ فیدان لەگەڵ بەرپرسانی باڵای هەرێمی کوردستان کۆبێتەوە و چەند پرسێک، لەسەروو هەمووشیانەوە پرسی ئەمنیی تاوتوێ بکەن.
ڕۆژی سێشەممە، هاکان فیدان بە سەردانێکی فەرمی گەیشتە بەغدا و لە ماوەی دوو ڕۆژدا زنجیرەیەك دیداری لەگەڵ سێ سەرۆکایەتییەکەی عێراق ئەنجام دا و تێیدا باس لە پتەوکردنی پەیوەندییە دوو قۆڵییەکان و ئامادەکارییەکان بۆ سەردانە چاوەڕوانکراوەکەی ڕەجەب تەیب ئەردۆغان سەرۆك کۆماری تورکیا بۆ عێراق کرا.
