بە هۆی وەرگەڕانی ئۆتۆمبێلێکەوە، هاووڵاتییەك لە گەرمیان گیانی لەدەستدا.
ئەمڕۆ چوارشەممە، بەڕێوەبەرایەتی هاتووچۆی چەمچەماڵ ڕایگەیاند، لەسەر ڕێگای سەنگاو ئۆتۆمبێلێک وەرگەڕا و شۆفێرەکەی گیانی لەدەستدا.
ڕوونیشیکردەوە کە لە ڕووداوەکەدا سەرنشینێکی ئۆتۆمبێلەکەش برینداربوو.
ڕۆژانە چەندین هاووڵاتی دەبنە قوربانیی ڕووداوەکانی هاتووچۆ، کە هاووڵاتییان هۆکاری زۆربەیان بۆ خراپی ڕێگاوبانەکان دەگێڕنەوە و هاتووچۆش دەڵێت، پابەندنەبوونی شۆفێران بە ڕێنماییەکانەوە، هۆکاری هەڵکشانی ڕووداوەکانن.
