لە ڕووداوێکی هاتووچۆدا، ١٨ کەس لە ئامەدی باکووری کوردستان بریندار بوون.
میدیا تورکیا بڵاویکردەوە، ڕووداوەکە لە دەروازەی چوونەژوورەوەی قەزای بیسمیلی سەر بە ئامەدی باکووری کوردستان ڕوویداوە و تیایدا پاسێک خۆی کێشاوە بە بەربەستی ناوەڕاستی شەقامەکەدا.
دوای ئاگادارکردنەوەیان، تیمەکانی فریاگوزاری خێرا و جەندرمە گەیشتنە شوێنی ڕووداوەکە و تیمە تەندروستییەکان بریندارەکانیان گواستەوە بۆ نەخۆشخانەی بیسمیل و ئاماژە بەوە کراوە کە باری تەندروستییان باشە.
