دوابەدوای بڕیاری ئەنجوومەنی وەزیرانی عێراق بۆ دامەزراندنی ئەو فەرمانبەر گرێبەستانەی لە دوو سااڵ زیاتر خزمەتیان هەیە، وەزیری داد تەواوبوونی سەرجەم ڕێكارە كارگێڕی و داراییەكان بۆ دامەزراندنی فەرمانبەرانی گرێبەست ڕادەگەیەنێت.
بەپێی ڕاگەیەنراوێكی نووسینگەی وەزیری دادی عێراق، د.خالد شوانی، وەزیری داد ڕایگەیاندووە، وەزارەت ڕێكارەكانی خۆی بەگوێرەی ڕێنماییەكانی وەزارەتی دارایی تەواوكردووە بۆ دانانی ئەو فەرمانبەرانەی گرێبەستن و خزمەتی دوو ساڵ یان زیاتریان هەیە و بۆ دەستەبەركردنی سەرجەم مەرجەكان.
ئاماژەی بەوەشكردووە، وەزارەت هەموو ڕێكارێكی كارگێڕی دەگرێتەبەر بۆ دانانی فەرمانبەر لە سەرجەم فەرمانگە دادییەكان.
جەختیشیكردەوە، كە بە شێوەیەكی شەخسی بەدواداچوون دەكات بۆ تەواوكردنی سەرجەم ڕێكارەكان لەوبارەیەوە.
