سەرۆکایەتی شارەوانی سلێمانی ئاگاداری شۆفێران دەکاتەوەو دەڵێت: لە سبەینێوە هاتوچۆکردن لە شەقامی قلیاسان بەرەو شەقامی سلێمانی-تاسڵوجە دادەخرێت.
لە راگەیەندراوێکدا سەرۆكایەتی شارەوانیی سلێمانی ئاگاداری هاووڵاتییان و شۆفێران دەكاتەوە كە هاتوچۆکردن لە شەقامی قلیاسان بەرەو شەقامی سلێمانی-تاسڵوجە دادەخرێت لە رێكەوتی (٢٠٢٣/٨/١٦) لە سەعات حەوتی سەرلەبەیانی، بە مەبەستی جێبەجێکردنی قۆناغی سێیەمی پڕۆژەی یەکتربڕی باخی بەختیاری.
شارەوانی سلێمانی ئاماژەی بەوەشکردووە، شۆفێران دەتوانن شەقامەکانی دەوروبەری وەک جێگرەوە بەکاربهێنن.
