لە داهاتی فرۆشتنی زەوییەکی ڕوکن، ناو بازاڕی شاری هەڵەبجە نۆژەن دەکرێتەوە.
ئەمڕۆ سێشەممە، وەزارەتی شارەوانی و گەشتوگوزاری هەرێمی کوردستان ڕایگەیاند، گوژمەی 84 ملیۆن دینار بۆ نۆژەنكردنەوەی ناو بازاڕی هەڵەبجە تا فولكەی عومەر خاوەر خەرج دەکرێت.
ڕوونیشیکردەوە کە ئەو گوژمەیە لەسەر ڕێژەی (100%)ی داهاتی فرۆشتنی زەویی ڕوكنی شارەوانییە لە سنووری سەرۆكایەتیی شارەوانیی هەڵەبجە، بەمەبەستی جێبەجێكردنی پرۆژەی نۆژەنكردنەوەی ناو بازاڕ لە سەرۆكایەتیی شارەوانی تا فولكەی عومەری خاوەر فەرمانی وەزاری بۆ دەركراوە.
