بەپێی ڕاپۆرتە كەشناسییەكان، تاوەكو هەفتەی داهاتوو پلەكانی گەرما بە بەرزی دەمێننەوە و لە دوو ڕۆژی داهاتووشدا ئەو ڕەشەبایەی ناوچەكانی هەرێمی گرتۆتەوە كۆتایی دێت.
ئاراس جەبار، شارەزای كەشناسی بۆ (خەڵك) ڕایگەیاند، سبەی سێ شەممە ١٥ی ئابی ٢٠٢٣ ئاسمانی ھەرێمی کوردستان ساماڵ ئەبێت و ئەمڕۆش پلەکانی گەرما لەتەواوی ناوچەکان ڕووی لەنزمبوونەوە کردوە وەک پێشبینی دەکرا بۆ سبەی و تا سەرەتای ھەفتەی ئایندە بەجێگیری ئەمێنێتەوە.
ڕاشیگەیاند، بای باکوری ڕۆژھەڵات سبەینێش بە چالاکی ئەمێنێتەوە لەسەر ناوچەکانی سنوری پارێزگای سلێمانی و ئیدارەی ڕاپەڕین و ناوچە شاخاوییە سنورییەکانی ڕۆژھەڵاتی پارێزگای ھەولێر بەخێرایی ٢٠ تا ٥٠کم زیاتر لە کاتژمێرێکدا.
وتیشی، “ڕۆژی چوار شەممە خێرایی با کەمتر دەبێتەوە و لە پێشنیوەڕۆی پێنج شەممە ١٧ی ئاب پێشبینی کۆتایی ھاتنی دەکەین”.
دیە ئەحمەد – خوێندکاری مەشقکار لە دارشتنەوەی ئەم هەواڵەدا بەشدار بووە.
