وەزارەتی بەرگری تورکیا کوژرانی پێنج سەربازی هێزەکانی لە هەرێمی کوردستان ڕاگەیاند.
ئەمڕۆ پێنجشەممە، وەزارەتی بەرگری تورکیا ڕایگەیاند لە چوارچێوەی ئۆپەراسیۆنەکانیان لە هەرێمی کوردستان سێ سەربازی هێزەکانیان کوژران و دووانی دیکەش بریندار بوون.
ڕوونیشیکردەوە کە بریندارەکان بە هۆی سەختی برینەکەیانەوە گیانیان لەدەست دا و بەوەش ژمارەی سەربازە کوژراوەکان بۆ پێنج سەرباز بەرزبووەوە.
لە نیسانی 2022-ەوە سوپای تورکیا بە پاساوی بوونی پێگەکانی پەکەکە، لەشکرکێشییەکی بەفراوانی کردووەتە سەر هەرێمی کوردستان و ناوبەناویش لە ناو شارەکاندا بۆردومان دەکات کە دواترینیان بۆردومانەکەی دوێنێی ڕێگای سلێمانی-دوکان بوو کە تێیدا ئۆتۆمبێلێك کرایە ئامانج و دوو کەس گیانیان لەدەستدا.
