بەڕێوەبەرایەتی گشتی تەندروستی سلێمانی ڕایگەیاند، مانگی ڕابردوو ١٧٧ نەشتەرگەری لە نەخۆشخانەی سلێمانی بۆ نەشتەرگەری سووتاوی و جوانکاری ئەنجامدراوە.
بەپێی ئاماری بەڕێوبەرایەتی گشتی تەندروستی سلێمانی لە ماوەی مانگی تەمموز، لە نەخۆشخانەی سووتاوی و نەشتەرگەری جوانكاری ئیمێرجنسی شاری سلێمانی، هەزار و ٧٤٩ كەس سەردانی نەخۆشخانەکەیان كردووە، لەو ژمارەیە ٢٨٧ كەس سەردانی بەشی فریاكەوتن و هەزار و ١٦٥ كەس سەردانی بەشی ڕاوێژكاری، ٢٩٧ كەس سەردانی بەشی چارەسەری سروشتی نەخۆشخانەكەیان كردووە.
لە ماوەی مانگی ڕابردوودا لە نەخۆشخانەی سووتاوی و نەشتەرگەری جوانكاری ١٢ نەشتەرگەری سەروو گەورە، ١٤٦ نەشتەگەری گەورە و ١٩ نەشتەرگەری بچوك ئەنجامدراوە، هەروەها ٢١٤ كەس داخڵ كراون و ٣٥ كەسیان لەبەشی سووتاوی و ١٧٩ یان لە بەشی جوانكاری بووە.
