شاندی پارتی دیموکراتی کوردستان بۆ گەیاندنی گلەیی سەردانی بەغدا دەکات.
ئەمڕۆ دووشەممە، شاندێکی مەکتەبی سیاسی پارتی دیموکراتی کوردستان سەردانی بەغدای دەکات بۆ کۆبوونەوە لەگەڵ لایەنە پێهکێنەرەکانی هاوپەیمانیی ئیدارەی دەوڵەت.
ئامانجی سەردان و کۆبوونەوەکانی شاندی پارتی گەیاندنی گلەییە بەرامبەر پابەندنەبوونی هاوپەیمانییەکە بەو بنەمایانەی کە بۆ ئیدارەدانی قۆناغی ئێستای حکومڕانیی داڕێژرابوو.
پارتی پێیوایە هاوپەیمانیی ئیدارەی دەوڵەت لە جێبەجێکردنی ڕێککەوتنەکان پاشەکشەی کردووە.
