وەزارەتی پەروەردەی حكومەتی هەرێمی كوردستان ئاگاداری خوێندكارانی پۆلی 12ی ئامادەیی دەكات، كە ڕۆژانە لە لینكی فەرمی وەزارەتەكەوە سەیری پرسیار و وەڵامەكانی خوولی دووەمی تاقیكردنەوە گشتییەكان بكەن.
لێژنەی باڵای تاقیكردنەوە گشتییەكانی وەزارەتی پەروەردە لە ئاگادارییەكدا بۆ خوێندكارانی قۆناغی 12ی ئامادەیی ئاماژەی بەوەكردووە، ڕۆژانە لە رێگەی ئەو لینكەی خوارەوە پرسیار و وەڵامی تاقیكردنەوە گشتییەكانی ساڵی خوێندنی (2022-2023) خولی دووەم بڵاو دەكرێتەوە.
ڕاشیگەیاندووە، ڕۆژانی تاقیكردنەوەكان پرسیار و وەڵامی تاقیكردنەوەكان نوێدەكرێتەوە و بابەتی تاقیكردنەوەی ئەمڕۆی بابەتی (زیندەزانی و مێژوو) دانراوە.
