بەڕێوەبەرایەتی پەروەردەی ڕۆژئاوای سلێمانی بڕێك جۆ و گوێرەکەیەك دەفرۆشێت، کە لە چوارچێوەی کاری پراکتیکی خوێندکارانی ئامادەییەکەدا بەرهەم هاتوون.
بەڕێوەبەرایەتی پەروەردەی ڕۆژئاوای سلێمانی لە فەرمانێکی کارگێڕیدا کە مێژووی ئەمڕۆی لەسەرە رایگەیاند، لەسەر ڕەزامەندی بەڕێوەبەری پەروەردە فرۆشتنی بڕێك جۆ و گوێرەکەیەک دەربڕیوە.
ڕوونیشیکردەوە کە فرۆشتنی جۆ و گوێرەکەکە ڕۆژی 13ی ئەم مانگە لە زیادکردنێکی ئاشکرادا دەبێت.
دانەوێڵە و ئاژەڵەکە بەرهەمی ئامادەیی کشتوکاڵی بەکرەجۆیە کە لە چوارچێوەی کاری پراکتیکی خوێندکارانی ئامادەییەکەدا بەرهەمهاتوون.
