وەزارەتی بازرگانی و پیشەسازی حكومەتی هەرێم بە بڕی نزیكەی 70 ملیار دینار پڕۆژەی دروست كردنی چەند سایلۆیەكی نوێ خرایە بواری جێبەجێ كردنەوە و دروستكردنی سایلۆی 40 هەزار تۆن و 5 كۆگا لە هەڵەبجە تەندەری بۆ ئامادەكراوە.
وەزارەتی بازرگانی و پیشەسازی حكومەتی هەرێم بڵاویكردەوە، كە لە پڕۆژەكانی وەزارەتەكەی لە كابینەی نۆیەمی حكومەتی هەرێم بڕیار درا بە دروستكردنی ژمارەیەك سایلۆ و كۆگا بۆ ناوچە جیاجیاكانی هەرێم.
ئاماژە بۆ ئەوەشكراوە، كە دروستكردنی سایلۆیەكی 40 هەزار تۆن-ی و 5 كۆگا لە ئیدارە گەرمیان – كەلار بە گوژمەی 20 ملیار و 672 ملیۆن و 663 هەزار دینار و دروستكردنی هەمان سایلۆ و 4 كۆگا لە ناحیەی ڕڤیا بە گوژمەی 17 ملیار و 948 ملیۆن و 700 هەزار دینار دروست دەكرێت .
ئەوەشخراوەتەڕوو، كە سایلۆیەكی 40 هەزار تۆنی و 10 كۆگا لە ناحییەی قوشتەپە -هەولێر بە گوژمەی 21 ملیار و 276 ملیۆن و 835 هەزار دینار دروست دەكرێت .
هاوكات ئاشكراشیكردووە، كە لە ئێستادا دروستكردنی سایلۆی 40 هەزار تۆنی و 5 كۆگا لە هەڵەبجە كە تەندەری بۆ ئامادەكراوە.
