پۆلیسی راپەڕین: تۆمەتبارێکمان دەستگیرکرد کە بە جلی ژنانەوە دزی کردووە

پۆلیسی راپەڕین رایگەیاند، لەسەر سکاڵای هاووڵاتییان کەسێکیان دەستگیرکردووە بەتۆمەتی دزیکردن و دوای دەستگیرکردنی دانی بەوەدا ناوە بە جلی ژنانەوە ئەو کارەی ئەنجامداوە.

پۆلیسی راپەڕین لە راگەیەندراوێکدا دەڵێت: ئەمڕۆ چوارشەممە پۆلیسی نەهێشتنی تاوان لە قەڵادزێ تۆمەتبارێکیان دەستگیرکردووە کە بە جلی ژنانەوە دزی کردووە و دوای دەستگیرکردنیشی دانی بە تاوانەکەیدا ناوە”.

دەشڵێت:”بەپێی لێکۆڵینەوەکانی پۆلیسی نەهێشتنی تاوانی ئیدارەی راپەڕین تۆمەتبارەکە پێشتریش بە هەمان شێوە دزی کردووە، دەشڵێت:” بۆ ئەوەی نەناسرێمەوە ئەو جۆرە جلەم لەبەرکردووە.”