بەڕێوەبەرایەتی پەروەردەی ڕۆژئاوا لە کۆنگرەیەکی ڕۆژنامە نووسیدا داتاو زانیارییەکانی یەک ساڵی کارکردنی بەرێوەبەرایەتییەکەی خستەڕوو.
لە کۆنگرەکەدا ئاماژەبەوەکرا ٢٥ خوێندنگا لە سنوری بەڕێوەبەرایەتی پەروەردەی ڕۆژئاوا هەیە کە مەترسی ڕوخانیان لەسەرە و ئەگەر نۆژەن نەکرێنەوە یان پلانێکی بۆ دا نەنرێت ئەگەری ڕاگرتنی دەوام هەیە تێیاندا.
ئەوەشخرایەڕوو، ٢١ لیژنەی بەدواداچوون و لێکۆڵینەوە بۆ ٤٠٥ ناوەندی خوێندنی سنووری بەڕێوەبەرایەتییەکە پێکهێنراوە بۆ ئەوەی کێشەکان دەستنیشان بکرێن و چارەسەریان بۆ بدۆزرێتەوە.
بەناز ڕەمەزان، بەڕێوەبەری پەروەردەی ڕۆژئاوا باسی لەوەکرد، لە ماوەی ساڵێکدا ٦٠ کەس لە سنووری بەڕیوەبەرێتییەکەیان لەسەر کژارەکانیان لابراون و ٨٦ کەس خانەنشین بوون و ١٩ حاڵەتی مردن تۆمارکراون.
لەوەلامی پرسیارێکی پەیامنێری تۆڕی میدیایی خەڵکدا دەربارەی پڕکردنەوەی شوێنی مامۆستایانی خانەنشین لە سنووری بەڕێوەبەرێتییەکەیان بەڕێوەبەری پەروەرەدەی ڕۆژئاوا ڕایگەیاند مامۆستایانی وانەبێژ جێگەی ئەو مامۆستایانە پڕ دەکەنەوە.
