لە ماوەی کەمتر لە ٢٤ کاتژمێر چوار رووداوی کوشتن بە چەک تۆمارکراوە و یەکێکیان لە قەزای ئاکرێ بووە و ئەوی دیکەیان لە شاری کەرکوک و دووانی دیکەیان لە قەزای ناوەندی سۆران بووە.
یەکەم رووداوی کوشتن لە سنووری ناحیەی گردەسێنی سەر بە قەزای ئاکرێ بوو و بەهۆی کێشەیەکی کۆنی کۆمەڵایەتی شەڕ لە نێوان دوو لایەندا دروستبوو و لە ئەنجامدا کەسیك کوژرا.
دواتر لە شاری کەرکوک بەهۆی لێکتێنەگەیەشتنی نێوان هێزێکی ئەمنی و دوو کەسەوە دەستڕێژی گولـلەکرا و بەهۆیەوە کەسێک گیانی لەدەستدا و ئەوی دیکەیان بە سەتختی برینداربوو.
لە شەقامی نزیک گوندی عەبابەیلێی شاری هەڵەبجەش شەڕە تەقە لە نێوان ئاسایش و چەکدارێکدا دروستبوو و لە ئەنجامدا کارمەندێکی ئاسایش بە سەختی برینداربوو و دواتر گیانی لەدەستدا.
لە کاتەکانی نیوەڕۆی ئەمڕۆش پیاوێک بە تاپڕ تەقەی لە هەردوو هاوژینەکەی کرد و هەردووکیانی کوشت و دواتر خۆی رادەستی هێزە ئەمنییەکان کرد و لە ئێستادا بەپێی ماددەی ٤٠٦ لە ئێستادا راگیراوە.
ئەمە لەکاتێکدایە کە حکومەتی هەرێمی کوردستان لەسەرەتای ئەمساڵەوە هەڵمەتێکی بۆ تۆمارکردنی چەکی هاوڵاتیان داناو ، هاوکات ڕاشیگەیاند، چەکی بێمۆڵەت بەهەرکەسێک بگرن بێجگە سزای دارایی سزای بەندکردنیشی دەدەن.
