![](https://xelk.org/wp-content/uploads/2024/03/awincity2.png)
بەپێی نوسراوێکی پەرلەمان، داوا کراوە لە بودجەی ساڵی 2023 دا بڕی شایستەی دارایی کە پێی دوترێت (ئیکرامی) وەک پاداشتی خانەنشینی بۆ پەرلەمانتاران خەرجبکرێت .
بەپێی ئەو بەڵگەنامەیە کە (بوار) میدیا بڵاویکردۆتەوە، پەرلەمانی کوردستان نوسراوێکی ئاڕاستەی وەزارەتی دارایی کردووە کە بە بڕی بڕی پێنج ملیارو ١٢١ ملیۆن و ٩٠٠ هەزار دینار لەسەر بودجەی ساڵی ٢٠٢٣، تەمویلی هەژماری پەرلەمان بکەن، بۆ خەرجکردنی پاداشتی شەش مانگی خانەنشینی ئەندامانی پەرلەمان، کە بەناوی ڕێواز فایەق حوسێن دەست پێدەکات و بە ناوی هەڵکەوت ئەنوەر خەلیفە کۆتایی دێت.
بەپێی زانیارییەکان بۆ هەر پەرلەمانتارێک بڕی ٥٢ ملیۆن دینار وەک ئیکرامییەی خانەنشینبوون خەرجدەکرێت و بەپێی یاسا زیاتر لە ١٠ پەرلەمانتار ئەو ئیکرامیەیە نایانگرێتەوە، بە هۆی ئەوەی لە خولەکانی پێشووی پەرلەمان، پەرلەمانتار بوون و ئەو ئیکرامیەیان وەرگرتووە.