بەمەبەستی دەربڕینی ناڕەزایەتی بەهۆی بەرزبونەوەی بەهای دۆلار بەرامبەر دیناری عێراقی، بەشێك لەهاوڵاتیان و كاسبكاران لەبەردەم بانكی ناوەندی عێراق لە بەغدا خۆپیشاندانیان دەستپێكرد.
بەگوێرەی زانیاریەكان، بەهۆی بەردەوامی بەرزبونەوەی بەهای دۆلار بەرامبەر بەدیناری عێراقی، بەشێك لەكاسبكاران و هاوڵاتیان لەبەردەم بینای دادگای بانكی ناوەندی خۆپیشاندانیان دەستپێكرد و داوادەكەن، بەهای دۆلار لەبازاڕەكان بەرامبەر بەدینار دابەزێندرێت.
ئەوە لەکاتێکدایە، بەشێك لەهاوڵاتیان نیگەرانی بەرامبەر بە بەرزبونەوەی نرخی شتومەك و پێداویستیەكانیان ڕاستەوخۆ لەگەڵ بەرزبونەوەی بەهای دۆلار بەرامبەر بەدینار دەردەبڕن و ئاماژەی بەوەدەکەن، بەرزبونەوەی دۆلار زیانێکی زۆری پێ گەیاندوون.
ئەمڕۆ چوارشەممە لەكاتی كردنەوەی بازاڕەكانی ئاڵوگۆڕی دراو، بەهای ١٠٠ دۆلار بە ١٥٤ هەزار و ٤٠٠ دینار مامەڵەی پێوەكرا و دواتر بەهای ١٠٠ دۆلار ١٥٥ هەزر دیناری تێپەڕاند.
