لەڕاگەیەندراوێکدا بەڕێوەبەرایەتی ئاسایشی هەولێر ،بڵاویکردەوە تیمەکانیان توانیویانە دەست بەسەر چەندین کاڵای ماو بەسەرچوودا بگرن لە کۆگاکاندا، و هاوکات تاوانکاران رووبەرووی یاسا دەکەنەوە.
لە ڕاگەیەندراوەکەدا هاتووە،بەڕێوەبەرایەتیی ئاسایشی هەولێر، توانی دەست بگرێت بەسەر چەند کۆگایەکدا کە کەلووپەلی ماوە بەسەرچووی تێدا هەڵگیرابوو.
.کەلوپەلەکان بریتیبوون لە بڕی ٢٥٢ كارتۆن (تامی نێرگەلە)ی جۆراوجۆر و ٢٥٠ فەردەی خوێی ماوە بەسەرچوودا،كە پێنج تەن خوێیان تێدابوو.
هاوکات بەپێێ ڕاگەیەندراوەکە، سەرجەم کاڵا ماوە بەسەرچووەکان لە لایەن لێژنەی پەیوەندیدارەوە لەنێو بردران.
