سەرلەبەیانی ئەمڕۆ سێشەممە، بوومەلەرزەیەکی بەهێز لە پارێزگای ئەدەنەی باشووری تورکیا ڕوویدا.
سه‌رۆكایه‌تی ئیداره‌دانی كاره‌سات و باری له‌ناكاو لە تورکیا “ئافاد” بڵاویکردەوە، کاتژمێر 08:44ی بەیانی ئەمڕۆ بوومەلەرزەیەك بە گوڕی 5.5 پلەی ڕێختەر لە لە ناوچەی قۆزانی ئەدەنە ڕوویدا.
ڕوونیشیکردەوە کە بوومەلەرزەکە لە قووڵایی 11.27 کیلۆمەتر ڕوویداوە، بەڵام ئاماژە بە بوونی زیانی گیانی یان ماددی نەدراوە.
