سەرۆکی ڕوسیا ڕایدەگەیەنێت، ئۆکراینا لە هێرشی پێچەوانە شکستیهێناوە و بە دەیان هەزار سەربازی كوژراون.
ڤلادیمێر پوتین، سەرۆکی ڕوسیا لە کۆبوونەوەی ئەنجوومەنی ئاسایشی کریملن ڕایگەیاند، سەرەڕای بەردەوامی هاوکارییە سەربازییەکانی ڕۆژئاوا بۆ کیێڤ، بەڵام سوپای ئۆکراینا لە هێرشی پێچەوانە شکستیهێناوە و ڕۆژئاواش لە ئەنجامی هێرشی پێچەوانە بێ هیوا بووە.
ڕاشیگەیاندووە، هاوکارییە سەربازییەکانی ڕۆژئاوا بۆ ئۆكراینا هیچ سوودێکیان نابێت و سوپای ئەو وڵاتە بە دەیان هەزار سەربازیان لەدەستداوە.
وتیشی، “تا ئەو کاتەی نیگەرانییەکانی مینسک دەڕەوێنەوە، بێلاڕووس بەشێکە لە ڕوسیا و هەر هێرشێک بۆ سەر خاکی بێلاڕوس، هێرشە بۆ سەر خاکی ڕوسیا و بە هەموو شێوەیەک پارێزگاری لێدەکەین”.
