هۆشیار عەبدولکەریم، دانیشتوی گوندی گربەویلی سەر بە قەزای بەردەرەشە لە چۆمان، بەهۆی کەوتنی بەفر بەسەریدا لە کوێستانی پرژێ، گیانی لەدەستدا.
ھۆشیار تەمەنی 35 ساڵ بوو، پێشەی پۆلیس بوو و خاوەنی چوار منداڵ بوو.
ئەو هاوڵاتییە، بەمەبەستی گەشتکردن سەردانی کوێستانی پڕژێی کردبوو لە دەڤەری باڵەکایەتی، لەوێ دەکەوێتە ژێر کەویە بەفرەکانی پڕژێ و لەئەنجامدا بریندار دەبێت و لەبەر سەختی برینەکەی رەوانەی نەخۆشخانەی ئاشتی لە سۆران دەکرێت، ئێوارەی ئەمڕۆ لەبەر سەختی برینەکەی گیانلەدەستدەدات.
