نێچیرڤان بارزانی، سه‌رۆکی هه‌رێمی کوردستان به سه‌ردانێکی فه‌رمی ده‌چێته ئازه‌ربایجان و لەگەڵ سەرۆكی ئەو وڵاتە كۆدەبێتەوە.
سەرۆکایەتیی هەرێمی کوردستان لە ڕاگەیەنراوێكدا ئاماژەی بەوەكردووە، نێچیرڤان بارزانی ڕۆژی سێ شه‌ممه 18-07-2023 له باکۆ له‌گه‌ڵ ئیلهام عه‌لیێڤ، سه‌رۆکی ئازه‌ربایجان کۆده‌بێته‌وه.
ئاماژەی بەوەشكردووە، سه‌رۆکی هه‌رێمی کوردستان و سه‌رۆکی ئازه‌ربایجان په‌یوه‌ندییه‌کانی ئازه‌ربایجان له‌گه‌ڵ عێراق و هه‌رێمی کوردستان و بره‌ودان به هاریکاریی هاوبه‌ش له بواره جیاکاندا تاوتوێ ده‌که‌ن.
