بەپێی ڕاپۆرتە كەشناسییەكان، پلەكانی گەرما لە هەرێمی كوردستان ڕوو لە نزمبوونەوە دەكەن و ئەو دۆخەش چەند ڕۆژێك دەخایەنێت.
ئاراس جەبار، شارەزای كەشناسی بۆ (خەڵك) ڕایگەیاند، لە سبەینێ دوو شەممەوە ١٧-٧-٢٠٢٣ پلەکانی گەرما لەسەرجەم ناوچەکاندا ١ بۆ ٢ پلەی سەدی نزمبوونەوە بەخۆیەوە ئەبینێتەوە و تا ڕۆژی پێنج شەممە ٢٠-٧-٢٠٢٣ بەم شێوەیە جێگیر ئەبێت.
ڕاشیگەیاند، بەرزترین پلەی گەرمی ( سلێمانی ٤٠ پلە و ھەولێر ٤٣ پلە و دھۆک ٤٢ پلە و ھەڵەبجە ٤١ پلە و گەرمیان ٤٥ پلەی سەدی) دەبێت و ئاسمانی ناوچەکە لەو ماوەیەدا بە زۆری ساماڵ و ھەندێک لەکاتەکانیش بەتایبەت لەناوچە شاخاوییە سنوورییەکان دەگۆرێت بۆ پەڵە ھەور .
ئاماژەی بەوەشكرد، لە ڕۆژی پێنج شەممەوە ٢٠-٧-٢٠٢٣ بەرزبوونەوەی پلەکانی گەرما دەستپێدەکاتەوە .
