لە ئاکامی ڕووداوێکی هاتووچۆ پێنج کەس لە گەرمیان برینداربوون.
ئەمڕۆ یەکشەممە، بەڕێوەبەرایەتی هاتووچۆی گەرمیان ڕایگەیاند، لەسەر ڕێگای کەلار – کفری بەرامبەر ناحیەی ڕزگاری ئۆتۆمبێلێک کۆنترۆڵی لەدەست دا و خۆی بەستونێکدا کێشا.
ڕوونیشیکردەوە کە لە ڕووداوەکەدا شۆفێر و چوار سەرنشینی برینداربوون و زیانی مادیش بەر ئۆتۆمبێلەکە و ستونەکەش کەوتووە.
هاتووچۆی گەرمیان ڕایگەیاند، سەرجەم بریندارەکان گەیەنراونەتە نەخۆشخانەی فریاکەوتنی شەهید هەژارلە کەلار و دەستکراوە بە لێکۆڵینەوە لە ڕووداوەکە.
