فەرماندەی هێزەكانی سوریای دیموكرات (هەسەدە) ڕایدەگەیەنێت، شانازی بە هاوبەشی نێودەوڵەتیمان دەکەین لە چەسپاندنی سەقامگیری و دەشڵێت: “پێشوازی لە بڕیاری ئەنجوومەنی ئاسایش دەكەین دژی لەشكركێشی توركیا و دەبێت ئەو هەڵوێستە بكرێتە كردار”.
مەزڵوم كۆبانێ، فەرماندەی هەسەدە لە هەژماری خۆی لە تویتەر ڕایگەیاندووە، هەڵوێستی نێودەوڵەتی دژی لەشكركێشی و ئۆپراسیۆنی توركیا لەلایەن ئەنجوومەنی ئاسایشی نێودەوڵەتییەوە زۆر پێشوازی لێ دەكرێت.
ڕاشیگەیاندووە، شانازی بە هاوبەشی نێودەوڵەتیمان دەکەین لە چەسپاندنی سەقامگیری لە ناوچەکانی باکوور و ڕۆژهەڵاتی سوریا.
ئاماژەی بەوەشكردووە، هیوادارین ئەم هەڵوێستانە وەربگێڕدرێن بۆ هەنگاوی کردەیی بۆ کۆتایی هێنان بە هێرشەکانی سوپای تورکیا و دۆزینەوەی چارەسەرێکی سیاسی دادپەروەرانە بۆ قەیرانی سوریا و پرسی کورد.
