بەهۆی شۆرتی كارەبای ئۆتۆمبێلێك و پاشان گڕگرتنی، ئاگر لە دەغڵودانی هاوڵاتییەك لە گوندی ڕەشدووری سنووری ناحیەی قەسرێ کەتەوە.
ڕووداوەكە ئەمڕۆ بووە و بەڕێوەبەرایەتی بەرگریی شارستانی سۆران دەڵێت، تیمی ئاگرکوژێنەوەی بنکەی بەرگریی شارستانی قەسرێ گەیشتنە شوێنی ڕووداوەکە، توانییان ئاگرەکە بکوژێننەوە و ڕێگری لە زیادبوونی بکەن و ڕێگا نەدەن زیاتر تەشەنە بکات و زیان بگەیەنێت.
لە ڕووداوەکەدا جگە لە سوتانی ئۆتۆمبێلەكە، كارتی نیشتمانی و بڕێك پارەی خاوەنەكەی، هەروەها پارچەیەك زەوی چێندراو بە گەنم و جۆ سووتا. هاوکات، توانرا دوو کێلگەی ئاژەڵ و پەلەوەر و کارگەیەکی غاز لە سووتان ڕزگاربکرێن.
