بەرێوەبەرایەتی هاتووچۆی گەرمیان ڕایگەیاند، درەنگانی شەوی ڕابردوو ئۆتۆمبێلێک لەجۆری (تۆیۆتا لاندکروزەر) لەقەزای کەلارەوە بە ئاڕاستەی ناحیەی ڕزگاری ڕۆشتووە بەهۆی پابەندنەبوونی شۆفێرەکەی بەڕێنماییەکانی هاتووچۆ و خێرایی زیادەوە کۆنترۆڵی لەدەستداوە و ڕۆیشتووەتە شەقامی گەڕانەوە بەئڕاستەی قەزای کەلار و وەرگەڕاوە.
لەڕاگەیەندراوەکەی هاتووچۆی گەرمیاندا ئاماژە بەوەکراوە، بەهۆی ڕووداوەکەوە شەش کەس برینداربوون کە سەرجەمیان سەرنشینی ئۆتۆمبێلەکە بوون.
ئەوەخراوەتەڕوو، دوابەدوای ڕووداوەکە سەرجەم بریندارەکان گواستراونەتەوە بۆ نەخۆشخانەی فریاکەوتنی شەهید هەژار لەشاری کەلار و پۆلیسی هاتووچۆ لێکۆڵینەوەیان لەڕووداوەکە دەست پێکردووە.
