وەزارەتی تەندروستی عێراق رایگەیاند، مۆڵەتی پێنج ساڵی دەدەن بە هەموو کارمەندانی تەندروستی ، و مەرجی وەرگرتنی ئەو مۆڵەتەش ئەوەیە کە دەبێت خزمەتی لە یەک ساڵ کەمتر نەبێت.
وەزارەتی تەندروستی عێراق رایگەیاند، تەواوی کارمەندانی وەزارەتەکە دەتوانن مۆڵەت بۆ ماوەی پێنج ساڵ وەربگرن و بۆ پێشکەش کردنی داوای مۆڵەت بەشێوەی ئەلیکترۆنی دەبێت و لە ماوەیەکی نزیکدا کارا دەبێت.
وەزارەتى تەندروستى ئاماژەی بەوە کردووە، ئەو کارمەندانەی داواکاری بۆ وەرگرتنى مۆڵەت دەکەن پێویست ناکات رەزامەندی بەڕێوەبەری گشتی بهێنن و دوای ئەوەی لە وەزارەت کاری پێویستیان بۆ دەکرێت مۆڵەتەکە وەردەگرن.
وەزارەتى تەندروستى ئەوەى خستووەتەڕوو، تەواوی رێنماییەکان لەلایەن وەزیری تەندروستی عێراقەوە دەرچووە و سەرجەم کارمەندان بەپێی رێنماییەکان، دەتوانن داواکاری مۆڵەتەکە پیشکەش بکەن لەو کاتەوەی سستمەکە دەکەویتە کار.
