کۆمپانیایەکی ژاپۆنی جۆرێکی نوێ لە شووتی بەرهەمهێنا کە بە “شوتی لیمۆیی” ناو دەبرێت کە پێک دێت لە کۆکراوەی تام و بۆنی شوتی لەگەڵ مزرییەکی کەمی لیمۆ.
کۆمپانیا ژاپۆنییەکە بڵاوکردەوە بەرهەمهێنانی ئەم بەرهەمە نوێیە ماوەی پێنج ساڵی خایاندووە و چەند ڕێگایەکیان لە بەرهەمهێنانی شوتی لیمۆیی تاقی کردووەتەوە لەچۆنێتی کاتی بەرهەمهێنان و پێگەیشتن و هەڵگرتنەوەی بەرهەمەکە و ناردنی بۆ بازاڕ.
ئەوەخراوەتەڕوو، بەرهەمەکە شێوازێکی خڕی هەیە بەڵام وەک شوتی ئاسایی هیچ خەتێک لەسەر توێکڵەکەی نییە و ڕەنگی ناوەی شوتییەکەش زیاتر لە سپییەوە نزیکە.
لەئێستادا تەنها پێنج جوتیار سەرقاڵی بەرهەمهێنانی شووتی لیمۆیین و چاوەڕوان دەکرێت لەئەمساڵدا نزیکەی سێ هەزار و ٨٠٠ دانە لەمجۆرە نوێیە بەرهەم بهێنن.
هاوکات، بەرهەمەکە هەناردەی بازاڕ و مارکێتەکان کراوە و هەردانەیەکی بە ٢٢ دۆلاری ئەمریکی دەفرۆشرێت. بەشێک لەوکەسانەی کە بەرهەمەکەیان تاقی کردووەتەوە ئاماژەی بەوەدەکەن شوتی لیمۆیی تامێکی کەمێ مزری هاوشیوەی لیمۆ و شیرینییەکی چێژ بەخشی هاوشێوەی شوتی هەیە، ئەم بەرهەمە دەتوانرێت لەڕۆژەگەرمەکاندا بخورێت.
