بانكی ڕەشیدی عێراقی بڕیاریدا بە پێدانی قەرزی 150 ملیۆن دیناری بە فەرمانبەران و هاووڵاتیان بە مەبەستی كڕینی یەكەی نیشتەجێبوون.
بانكی ڕەشید لە بەیاننامەیەكدا ئاماژەی بەوەكردووە، قەرزی 150 ملیۆن دیناری دەدات بە فەرمانبەران و هاووڵاتیان بۆ كڕینی یەكەی نیشتەجێبوون (خانوو یان شوقە) بەو مەرجەی 2 كەفیلی هەبێت (كەفیلەكە فەرمانبەری مەدەنی بێت یان سەربازی وەردەگیرێت).
ڕاشیگەیاندووە، ئەو قەرزە تەنها بە مەبەستی كڕینی یەكەی نیشتەجێبوونە و ڕێژەی سوودەكەی 4% دەبێت و لەماوەی 20 ساڵدا لە كەسی سوودمەندبوو وەردەگیرێتەوە.
ئاماژەی بەوەشكردووە، ئەو قەرزە جگە لە بوونی دوو كەفیلەكە، بە ڕەهن كردنی یەكەی نیشتەجێبوونەكە پشتیوانی دەكرێت تاوەكو تەواوی قیستەكان دەگەڕێنرێتەوە.
